ഇരുണ്ട തവിട്ടുനിറത്തോടുകൂടിയ പുറംഭാഗമാണിവയ്ക്ക്. വെളുത്ത അടിഭാഗത്ത് മാറിൽ ഇരുണ്ട തവിട്ടുനിറത്തോടുകൂടിയ പട്ടയും വയറിന്റെ വശങ്ങളിൽ ഇരുണ്ട തവിട്ടുനിറവും കാണാം. ചിറകുകൾ അരിവാൾ ആകൃതിയിലുള്ളതും അടിഭാഗം ഇരുണ്ട തവിട്ടുനിറത്തോടുകൂടിയതുമാണ്. തൊണ്ടയിൽ വ്യക്തമായ വെള്ളപ്പാടുണ്ട്. മലമ്പ്രദേശങ്ങൾ, ചെങ്കുത്തായ താഴ്വാരങ്ങൾ എന്നിവിടങ്ങളിൽ കണ്ടുവരുന്നു.