കേരളത്തിലെ കറുപ്പുനിറമുള്ള ഏക മരംകൊത്തി. ഇവയുടെ വയറും അരപ്പട്ടയും വെള്ളയാണ്. ആൺപക്ഷിയുടെ മുൻനെറ്റി, ശിഖ, മീശവര എന്നിവയ്ക്ക് ചുവപ്പുനിറമാണ്. പെൺപക്ഷിയുടെ മുൻനെറ്റിക്ക് കറുപ്പുനിറമുണ്ട്. മീശവരയില്ലാത്ത ഇവയുടെ ശിഖയുടെ പിൻവശത്തിനു മാത്രമേ ചുവപ്പുനിറമുള്ളൂ. നിത്യഹരിതവനങ്ങൾ, അർധനിത്യഹരിതവനങ്ങൾ, ഈർപ്പമുള്ള ഇലപൊഴിയുംകാടുകൾ എന്നിവിടങ്ങളിൽ കണ്ടുവരുന്നു.