ഇരുണ്ട നിറത്തോടുകൂടിയ ഇവയ്ക്ക് പെട്ടെന്നു കാണാവുന്ന കറുപ്പുനിറമുള്ള ശിഖയുണ്ട്. പിൻകഴുത്തും പുറംഭാഗവും കറുപ്പുനിറമാണ്. ചിറകിലെ മങ്ങിയ മഞ്ഞനിറത്തോടുകൂടിയ പാടുകളിൽ ഹൃദയാകൃതിയിലുള്ള കറുത്ത പുള്ളികളുണ്ട്. വെള്ളനിറത്തോടുകൂടിയ താടിയുടെ താഴെയുള്ള ഭാഗം പച്ചകലർന്ന കടുംതവിട്ടുനിറമാണ്. ആണിന്റെ ശിഖയും തലയുടെ മുൻഭാഗവും കറുപ്പുനിറത്തിലും പെണ്ണിന്റെ തലയുടെ മുൻഭാഗവും നെറ്റിയും മങ്ങിയ മഞ്ഞനിറത്തിലുമാണ്. കാടുകൾ, തോട്ടങ്ങൾ, വൃക്ഷനിബിഡമായ സ്ഥലങ്ങൾ എന്നിവിടങ്ങളിൽ കാണപ്പെടുന്നു.