പ്രജനനകാലത്ത് ഇവയ്ക്ക് മണലിന്റേതുപോലുള്ള തവിട്ടുനിറമാണ്. നെറ്റിത്തടത്തിന്റെ നിറം വെള്ളയാണ്. കണ്ണിന്റെ വശങ്ങളിലും തലയിലുമായി ഒരു കറുത്ത പാട് കാണാം. തെളിഞ്ഞ മഞ്ഞനിറത്തിലുള്ള കൺവളയം ഈ കറുത്തപാടിൽ വ്യക്തമായി കാണാവുന്നതാണ്. വെള്ളനിറത്തിലുള്ള താടിയും തൊണ്ടയും തോൾഭാഗവുമുള്ള ഇവയ്ക്ക് മാറിടത്തിൽ കറുത്ത പട്ടപോലെ ഒരു പാടുണ്ട്. ഇവയുടെ കൊക്ക് ചെറുതും കറുത്തതുമാണ്. കാലിന്റെ നിറം മഞ്ഞയോ പിങ്കോ ആയിരിക്കും. പ്രജനനേതരസമയത്ത് കണ്ണിന്റെ വശങ്ങളിൽ കറുത്തപാട് ഇല്ലാതെയും മാറിടത്തിലെ കറുത്തപാട് വിളറിയനിറത്തിലും കാണാം. പുഴയോരങ്ങളിലും അഴിമുഖങ്ങളിലും കണ്ടുവരുന്നു.